Yaxınlarda Lənkəranın görkəmli şəxsiyyətləri haqqında kitab dərc olunacaq. Həmin görkəmli şəxsiyyətlər arasında Lənkəranın inkişaf etməsində xüsusi əməyi olan babam Şükür Rəhimov haqqında məlumat dərc olunacaq.
Şükür Rəhimov rayon partiya komitəsi katibinin müavini, 1964-Lənkəran rayon İcraiyyə komitəsinin sədri vəzifəsində işləmiş, işlədiyi dövrdə (1964-1970) insanların həyat səviyyəsini yaxşılaşdırmış, əməyə münasibəti kökündən dəyişmiş və hamının tanıdığı Kənarmeşə kəndində 600 nəfərlik məktəblinin istirahət edə bilməsi üçün pioner düşərgəsinin salınmasında təşəbbüsü olan ilk səxs olmuşdur. Əfsuslar olsunki, hazırda həmin düşərgə müxtəlif sakinlər tərəfindən mənimsənilmişdir....
Babam Şükür Rəhimov haqqında kitabda dərc olunacaq məlumatları, onun gördüyü faydalı işləri yeniyetmələrə, gənclərə və icmaya çatdırmağı özümə borcu bilirəm!!!
Ətraflı ozumaq üçün Davamı... linkden istifade ede bilersiz...
1964-1970-ci illərdə rayonun iqtisadiyyatında yeni inkişaf və tərəqqi hiss olunmağa başlandı. Dövlətə kənd təsərrüfatı və heyvandarlıq məhsulları satışı planının yerinə yetirilməsində görkəmli nailiyyətlərin qazanılması baş verdi. Əlbəttə, xalqın ümumi səyinin və bacarığının əməyə olan bu sonsuz tükənməz marağının artması ilə bərabər, onların həyat səviyyəsi durmadan yaxşılaşmağa doğru inkişaf etməyə başladı. Bir sözlə, hər yerdə əməyə münasibət kökündən dəyişdi. Zəhmətkeşlərin iqtisadi durumu yaxşılaşdıqca onların yaşayış səviyyəsində yeni mərhələ başlanırdı. Həyat öz axarına düşmüşdü. Yüzlərlə adam özlərinə rahat mənzillər tikmiş, yeni maşınlar almış, mənzillərinə yeni avadanlıqlar alırdılar. Radio, televiziya yayımı da zəhmətkeşlərin mədəni istirahətinin şən və mənalı keçməyinə xidmət etməyə başladı. Xalqın ümumi səyini və bacarığını əməyə olan sonsuz marağını artırmaq üçün rayonda işgüzar bacarıqlı və səriştəli rəhbər işçilərdən də çox şey asılı idi. Belə rəhbər kadrlardan biri də 1964-1970-ci illərdə rayonda İcraiyyə komitəsinin sədri işləmiş Şükür Rəhimovdur. Başqaları kimi Şükür Rəhimovun inkişaf və tərəqqi yolu heç də hamar olmamışdır.
Şükür Ağarəhim oğlu Rəhimov 1929-cu ildə Kənarmeşə kəndində anadan olmuşdur. 1944-cü ildə Xolmili kənd orta məktəbini əla qiymətlərlə bitirmişdir.
1944/28/IX-cu il tarixli RMŞ № 337 əmrinə əsasən Rəhimov Şükür orta təhsilli dörd aylıq fizika-riyaziyyat kursunu bitirdikdən sonra Rvo kənd orta məktəbinə müəllim və baş pioner dəstə rəhbəri təyin edilmişdir. 1945-ci ildə Vel kənd 7-illik məktəbində Azərbaycan dili müəllimi, 1946-1953-cü tədris ilində həmin ixtisasla Ş.Rəhimov Aşağı Nüvədi 7-illik məktəbə müəllim işləmiş və 1946-cı ildə isə V.İ.Lenin adına Azərbaycan Dövlət Pedaqoji İnstitutunun qiyabi şöbəsinə daxil olmuş və 1966-cı ildə orada Azərbaycan dili və ədəbiyyat ixtisası üzrə tam kursu bitirmişdir.
1959-1963-cü illərdə Bakı Ali Partiya məktəbində oxumuşdur. 1963-cü ildən1964-cü ilə kimi rayon partiya komitəsi katibinin müavini, 1964-1970-ci illər ərzində Lənkəran rayon İcraiyyə komitəsinin sədri vəzifəsində işləmişdir.
1970-ci ildən ömrünün axırına kimi şəhər 113 №-li texniki peşə məktəbində müəllim və tərbiyəvi işlər üzrə direktor müavini işləmişdir. İnsan həyatında yaxşılıq, xeyirxahlıq, nəcib əməl insanın mənəvi keyfiyyətlərini tamamlayan xüsusiyyətlərdir. Məhz 1967-ci ildə Şükür Rəhimovun təşəbbüsü və təklifi ilə Kənarmeşədə, təbiətin ən dilbər guşəsində, yaşıllıqlar qoynunda, mavi Xəzərin lacivərd qumlu sahillərindən bir qədər yuxarıda məktəblilərin yay istirahətinin şən və mənalı keçirilməsi üçün üç pioner düşərgəsi salındı.
Axı Şükür də bu cür könülaçan, fərəh doğuran yerdə dünyaya göz açmış, Xəzərin həzin laylasıyla böyümüş, saatlarla quşların səsinə qulaq asmışdı. Belə bir yerdə məktəblilər üçün istirahət yerinin seçilməsində Ş.Rəhimov heç də səhv etməmişdir. Təbiətin bəxş etdiyi bu füsunkar məkanda yay mövsümü ərzində hər üç düşərgədə 600 nəfər pioner və məktəblilərin istirahət etməsi üçün hər cür şərait yaradıldı. “B.O.Abbasov”, “H.Aslanov”, “Nizami” düşərgəsi 1991-ci ilədək fəaliyyət göstərməyə başladı.
Ş.Rəhimov işlədiyi müddət ərzində qabaqcıl maarif işçisi kimi Azərbaycan SSR müəllimlərinin V qurultayına Lənkəran KP təşkilatının II-III konfranslarına, Azərb.KP.Mk-nın Plenumlarına nümayəndə seçilmişdir.
1959-cu ildən 06 №-li seçki dairəsindən Lənkəran rayon zəhmətkeşlər Deputatları sovetinə deputat seçilmişdir.1963-cü ildən ümumittifaq “Bilik cəmiyyəti”nin üzvü olub. Bu dövr ərzində Ş.Rəhimov bir neçə orden və medallarla təltif edimişdir.
